މިއަދު އަޅުގަނޑުމެން މި ބޭނުން ކުރާ އިންޓަރނެޓް ނުވަތަ ވޯލްޑް ވައިޑް ވެބް އުފެދުނީ މީގެ 40 އަހަރު ކުރިންނެވެ. މިހާރު އިންޓަރނެޓަކީ ވަރަށް އާންމު އެއްޗެކެވެ. ނަމަވެސް ކުރިން އިންޓަރނެޓް ބޭނުން ކުރަމުން އައި ގޮތާ މިހާރު ބޭނުން ކުރަމުން މިދާގޮތާ ހާސްބައި ތަފާތެވެ. އަދި އޭރު ބޭނުން ކުރެވުނު ކޮމްޕިޔުޓަރު ތައްވެސް މިހާރާ ތަފާތެވެ

jhdsjd

އެންމެފުރަތަމަ އިންޓަރނެޓް ކަނެކްޝަނެއް ދުނިޔެއަށް އުފަންވީ 1969 ވަނަ އަހަރުގެ އޮކްޓޯބަރ މަހެއްގެ 29 ވަނަ ދުވަހުއެވެ. ޔުނިވާރސިޓީ އޮފް ކެލިފޯނިޔާ އާއި ސްޓެންފޯޑް ރިސާޗް އިނިސްޓިޓިއުޓާ ދެމެދުގައި އިންޓަރނެޓް މެދުވެރިކޮއް ގުޅާލި ގުޅާލުން ވެގެން ދިޔައީ ދުނިޔޭގައި ހެދުނު ފުރަތަމަ އިންޓަރނެޓް ކަނެކްޝަނަށެވެ. އެންމެ ފުރަތަމަ އިންޓަރނެޓް މެދުވެރިކޮށް އެހެން ކޮމްޕިޔުޓަރަކަށް ފޮނުވުނު އަކުރަކީ “އެލް.އޯ” މި ދެއަކުރެވެ. އޭރު އިންޓަރނެޓް ބޭނުން ކުރެވެނީ ހަމަ އެކަނި ބޮޑެތި ކުންފުނިތަކާއި، ޔުނިވާރސިޓީތަކާއި، މިލިޓަރީ ބޭނުންތަކުގައި އެކަންޏެވެ.

އެއީ ފަށައިގަތުމެވެ. ތަފާތު ގޮންޖެހުންތަކާއެކު އޭގެ ގާތްގަނޑަކަށް ދެމަހެއްހާ ފަހުން އިންޓަރނެޓް އަށް ބޮޑެތި ކުރިއެރުން ގެނެވުނެވެ. މިގޮތުން އިތުރު ޔުނިވާސިޓީ ތަކާއި ކުންފުނިތައް އިންޓަރނެޓް ބޭނުން ކުރަން ފެށިއެވެ. އަދި އޭގެ 12 އަހަރު ފަހުން އިންޓަރނެޓް ބެނުން ކުރާމީހުން ގިނަވެ، އެއަދަދު 16 މިލިޔަނަށް އެރިއެވެ. އޭގެ ނަތީޖާ އަކަށްވީ ފުރަތަމަ ވެބް ބްރައުޒާ “ނެޓްސްކޭޕް” ވުޖޫދަށް އައުމެވެ.
މިއަދު މިވަނީ މަންޒަރު ބަދަލުވެފައެވެ. އިންޓަރނެޓް މިއަދު މިވަނީ އާއްމު އެއްޗަކަށްވެފައެވެ. ބައެއްމީހުން ބުނާގޮތުންނަމަ އިންޓަރނެޓަކީ އަސާސީ ހައްގެކެވެ. މިހާރު އިންޓަރނެޓް ބޭނުންކުރާ މީހުން ގެ އަދަދު އުޅެނީ 500މިލިޔަނަށް ވުރެމަތީގައެވެ. މިހެން މިކަން އޮތްއިރުވެސް ހިތާމައަކީ އިންޓަރނެޓްގެ ބޭނުން ނަހަމަ ގޮތުގައި ބައެއް ފަރާތްތަކުން ހިފަމުން ދާކަމެވެ. މިޒަމާނުގައި ތަފާތު ކުށްތައް ކުރުމުގައި އިންޓަރނެޓް ބޭނުންކުރާކަމީ ގިނަބަޔަކު އެއްބަސްވާ ކަމެކެވެ. އަޅުގަނޑުމެންގެ ރާއްޖެއިންވެސް މިފަދަ ޢަމަލުތައް ފެންނަކަމީ ހިތާމަ ހުރިކަމެކެވެ.
އިންޓަރނެޓް ބޭނުން ކޮށްގެން ކުރާ ކުށްތަކަށް އަދަބުދެވޭނެ ޤާނޫނެއް ރާއްޖޭގައި އަދި ހެދިފައެއް ނެތެވެ. އެހެން ކަމުން އެފަދަ ޤާނޫނެއް ވީ އެންމެ އަވަސް މުސްތަޤުބަލެއްގައި ހެދުމަށް ޤާނޫނާ ބެހޭ ދާއިރާގެ ފަރާތް ތަކަށް ގޮވާލަމެވެ